Sa nagahilapit nga All Saints Day kag All Souls Day sa Nobyembre 1 kag 2, nagapadayon ang preparasyon sang Jaro Catholic Cemetery kag iban pa nga sementeryo sa syudad, apang wala pa sang masako nga pagpanglimpyo sa subong nga tiun.
Sa interview sang Bombo Radyo kay Alejandro Ordaniel, Caretaker sang Jaro Catholic Cemetery, ginpahayag niya nga sa karon daw wala pa sang kadam-an nga tawo nga nagapaninlo sa palibot sang sementeryo.
Suno sa iya, kadam-an sang mga bisita nagapaninlo isa ka semana antes ukon inadlaw na lang ang nabilin antes ang pista minatay.
Ginpabutyag man niya nga bisan pa man kun may magapaninlo subong, ginahimo gihapon nila ang pagpanglimpyo liwat kun maglapit na ang okasyon.
Ginsiling ni Ordaniel nga ang mga pribado nga pantyon responsibilidad sang tagsa ka pamilya, samtang ang mga pantyon nga malapit sa dalan ginahatagan sang tinawo para tinluan.
Ginagamit man nila ang grass cutter agud mapanipis ang mga hilamon.
May yara na man sang pila ka tawo nga nagabisita sa nasambit nga sementeryo.
