Gindayaw sang mga senador ang pagpirma ni President Bongbong Marcos sang P6.793 trillion nga 2026 national budget amo man ang pag-veto sini sang halos P92.5 billion nga balor sang mga proyekto sa idalom sang unprogrammed appropriations (UAs).
Suno kay Senate President Vicente “Tito” Sotto III, ang 2026 budget amo ang pinakamalimpyo nga budget, apang luyag pa gid sang presidente nga mas mangin matinlo ini.
Ginsiling ni Sotto nga husto ang desisyon sang president nga i-veto ang pila ka items.
“I know the 2026 budget is by far the cleanest ever but it seems the President wants it squeaky clean. He even highlighted the Senate provision that prevents political patronage by politicians,” suno kay Sotto. “Malinis yun budget pero gusto ni PBBM mas malinis pa.”
Para naman kay Senator Erwin Tulfo, Vice Chairperson sang Senate Finance Committee, amo ini ang “most transparent budget law” sa recent history sang Pilipinas. Amo ini ang budget suno sa iya nga makabalik sang salig sang publiko sa gobyerno.
Gindayaw man sini ang pag-veto sa pila ka items sa unprogrammed funds bangud ginapatihan sini nga mahimo ini gamiton sa misuse.
“This is what we need, a budget that will restore the public’s trust to the government. We are grateful that the President heeded our call to limit the use of unprogrammed appropriations and vetoed P92.5 billion worth of projects lodged under this budgetary mechanism,” kabahin sang iya nga statement.
Gin-abi-abi naman ni Senator Bam Aquino ang budget signing.
Ginhatagan sini sang pagtamod ang kinahanglanon nga bulig sang sector sang edukasyon lakip na ang pagtukod sang classrooms, dugang nga pondo sa school-based feeding program kag libre nga kolehiyo, kag iban pa nga suporta sa mga estudyante.
“Panalo ang kabataang Pilipino ngayong naaprubahan na ang 2026 national budget. Sa pamamagitan nito, mapopondohan na at maipatutupad nang tama ang mga mahahalagang programang makatutulong upang mapalakas at mapabuti ang sektor ng edukasyon,” suno kay Aquino.
Malipayon naman kag kuntento si Senate President Pro Tempore Panfilo sa veto. Gin-abi-abi man sini ang mensahe sang presidente nga dumilian na ang involvement sang pulitika sa pagpanagtag sang assistance.
Sa pagpirma ni Marcos sa Republic Act No. 12314 ukon ang 2026 General Appropriations Act kahapon sa Malacañang, ginsiling sini nga ang veto nagatuyo nga masigurado nga magasto ang pondo sang gobyerno santo sa kun ano ang prayoridad sang national government kag kun ano ang interes sang nasyon.
