Handa nga makigsapol ang mga senador sang Pilipinas sa embahada sang China may kaangtanan sa isyu sa West Philippine Sea (WPS), suno kay Senador Panfilo “Ping” Lacson.
Ini matapos nga ginpahayag ni Chinese Ambassador Jing Quan nga bukas siya nga makig-istorya sa mga lideres sang Pilipinas agud mabuhinan ang tensyon sa tunga sang mga diplomatiko sang China kag mga opisyal sang Pilipinas.
Dugang pa ni Lacson, iya nga ipangabay kay Senate President Vicente Sotto III nga imbitarun ang mga Chinese diplomats sa isa ka diskusyon.
Lakip sa amo nga pagsugilanon ang mga miyembro sang majority sa Senado, samtang mahimo man magpadala sang representante ang minority.
Suno pa kay Lacson nga dapat man updon sa diyalogo sanday Senador Francis Pangilinan, Senador Risa Hontiveros, kag si Erwin Tulfo nga amo ang chairman sang Senate Committee on Foreign Relations.
Paathag ni Lacson nga mas manami kun mag-atubangay ang duha ka partido sa Senado, sa embahada, ukon sa isa ka neutral nga lugar, agud propesyonal kag diplomatiko ang pag-istorya sang nasambit nga isyu.
, suno kay Senador Panfilo “Ping” Lacson.){kind=link}