ILOILO CITY – May yara sang pahanugot gikan sa presidente sang asosasyon ang pagbalik sang sidewalk vendors sa higad sang dalan sa City Proper area.
Sa interview sang Bombo Radyo kay Amanda Lucis, isa ka sidewalk vendor, iya ginpahayag nga ginpahanugutan sila nga makabalik sa pagbaligya sa higad sang dalan subong nga holiday season.
Suno kay Lucis, sa una pa lang nga semana sang Disyembre, ginpahanugutan na sila sang ila presidente nga si Niel Dichupa nga makabaligya sa higad sang dalan agud nga makaginansya sang daku.
Depensa naman sang presidente sang Sidewalk Vendors Association nga si Niel Dichupa, kawat-kawat lang ang pagbaligya sang mga sidewalk vendor bisan subong lang nga holiday season.
Suno kay Dichupa, kinahanglan man nila nga makabawi sa ila kapital bangud nga pigado ang bentahanay sa Cacho property.
Ginpahayag ni Dichupa nga kun may magsaway, gilayon man nga nagahalin ang mga sidewalk vendor.
