Ginpasarado na ang tanan nga simbahang katolika sa Roma bangud sa padayon nga pagsaka sang Coronavirus Disease 2019 nga nagpatay sa masobra 1,000 ka tawo sa Italy.
Suno kay Cardinal Angelo De Donatis, papal vicar sa Rome, liwat nga pagabuksan ang mga simbahan sa tion ng matapos na ang ginpatuman nga crackdown sa mga pagtilipon sa Abril 3.
Magluwas sa mga simbahan, ginpasarado naman ang mga museyo lakip man ang Saint Peter’s Basilica nga masami ginadugukan sang madamo nga tawo.
Temporaryo man nga ginpauntat ang paghiwat sang mga misa, kasal kag lubong sa bilog nga Italya.
Sa pihak sini, magapabilin naman nga bukas ang pipila ka mga simbahan sa nasambit nga lugar apang nagakadapat lang sundon sang mga deboto ang mga pagsulundan nga ginhatag sang gobyerno.
