Nagapanginit ka man bala kun kadugay na sa imo pagpangita sang tawo nga para sa imo, pero daw indi mo gid makita kag feeling mo kulang sila sa kalibutan?
May mga tawo gid nga nainit bangud 8 billion na ang populasyon sa kalibutan suno sa United Nations pero single sila gihapon.
Sa India, masobra 50 ka mga kalalakihan ang nagprotesta sa ila nga lokal nga gobyerno bangud ginapahayag nga kulang ang mga single nga mga kababaihan sa ila nga lugar.
Sa kagustuhan nga makapangita na sang pangasaw-on, naghimo sang committee ang 50 single nga mga lalaki kag gintawag ini nga ‘Bridegroom Morcha.’
May gin-organisar nga rally ang 50 ka mga soltero sa atubang sang ila nga local government.
Agud masapakan ang ila nga kawsa, nagsuksok pa sila sang magarbo nga traditional wedding attire kag nagsakay sa puti nga mga kabayo.
May dala man sila nga mga musikero para may magpatokar sang traditional wedding music.
Dala sang mga nagprotesta ang petisyon nga pangitaan sila sang gobyerno sang ila mapangasawa.
Ini bangud sa data sang National Family Health Survey, ang Maharashtra sa amo nga pungsod ang may yara lamang sang 920 ka mga babayi sa kada 1,000 ka lalaki.
Sa subong, ginahulat pa sang grupo nga Bridegroom Morcha ang sabat sang Maharastra local government sa ila nga petisyon.##
