ILOILO CITY – Nagapadayon ang pila ka sports activities sa syudad sang Iloilo kadungan sang pagpaidalom sa syudad sa pinakanubo nga alert level.
Sa interview sang Bombo Radyo kay Rudiver Jungco Sr., Executive Assistant for Youth and Sports, iya ginpahayag nga nagapadayon subong ang basketball tournament samtang subong nga adlaw naman masugod ang volleyball tournament.
Ang Mayor Jerry P. Treñas invitational tournament ang pasakupan sang mga grupo nga nagikan pa sa gwa sang syudad sang Iloilo kag ang iban sa ila ang mga national players.
Ang volleyball tournament ang patigayunon sa University of San Agustin- Sambag Campus.
Sang damlag lang, ginpatigayon man ang Iloilo Dinagyang Cup.
Sa subong, ang syudad sang Iloilo ang yara sa idalom sang alert level 1tubtob sa Marso 31.
