ILOILO CITY- Nagpangsabotahe ang ginapahayag supporters ni US President Donald Trump sa Washington DC, USA sa tunga sang mainit nga dalagan sang eleksyon.
Suno kay Bombo International Correspondent Patricia Dela Torre, isa sa Bombo Radyo Iloilo correspondents sa 50 ka estado kag isa ka distrito sa Estados Unidos, iya ginpahayag nga hungod nga naga-initiate sang kinagamo ang mga supporters ni Trump agud ma-justify nga nagakadapat siya nga magpabilin sa pagka-presidente.
Ginpahayag ni Dela Torre nga partikular nga ginaatake sang mga Trump supporters nga ginatawag ‘Proud Boys’ ang mga supporters ni Democratic Candidate Joe Biden agud garit-gariton ang mga ini.
Samtang, ginpahayag ni Dela Torre nga mas madamo nga mga Filipino Americans kag minority sa Washington DC nga mas nahamut-an si Biden nga magdaog sa pagka-presidente kag amo man si Vice Presidential candidate Kamala Harris nga isa ka Asian-American bangud sa ila plataporma sa immigration policy nga magapabor gid sa madamo nga Pinoy kag iban nga lahi.
