ILOILO CITY – Indi makabig nga organisado nga grupo ang mga suspek nga nagkawat sang masobra sa P500,000 nga balor sang alahas sa Aljun Jewelry Store sa isa ka mall sa Guanco, Iloilo City.
Sa interview sang Bombo Radyo kay Police Col. Martin Defensor Jr., director sang Iloilo City Police Office (ICPO), iya ginpahayag nga may mga impormasyon na sila nga nabaton nga may yara sang mga robbery group nga nakasulod sa Western Visayas kag indi malayo nga nakalab-ot na diri sa syudad sang Iloilo.
Ini lang matumod ni Defensor kun diin nga mga lugar sa rehiyon apang ang natabo sa Aljun Jewelry Store ang isa ka palatandaan nga may yara sang robbery group sa syudad.
Bangud sini, ila naman nga napahibalo ang mga tagdumalahan sang tagsa ka mga jewelry store kag bangko nga hugtan ang seguridad agud nga indi makawatan ukon masalisihan sang mga kawatan.
