Nagtinir pa sang masobra isa ka bulan ang pila ka mga Colombians sa Dominican Republic, nga nangin kabahin sang armado nga grupo nga nagpatay kay Haitian President Jovenel Moise.
Si Moise, 53, ang ginluthang-patay sa iya mismo nga balay.
Ang pagpatay sa Presidente, ang nagbutang pa sa Haiti sa mas magamo sa tunga sang political divisions, kagutom kag lapnagon nga gang violence.
Suno sa otoridad, ang mga armado nga grupo ang ginalakipan sang 26 ka mga Colombians kag duha ka Haitian Americans.
17 ka mga lalaki ang na-engkwentro pa sang mga kapulisan sa Petionville samtang tatlo ang napatay kag walo pa ang “at large”.
Wala naman nagpaguwa sang dugang nga detalye ang kapulisan sa nangin motibo sang armado nga grupo sa ila pagpatay sa Presidente.
Base sa inisyal nga imbestigasyon, pila sa mga suspek ang lunsay retired members sang armed forces sang Colombia.
Nahibaluan nga sa pagpungko ni Moise sang 2017 sa pagka-presidente, madamo na nga mga alegasyon sang kurapsyon ang iya ginpangatubang sa diin lapnagon man nga hublag protesta ang ginpatigayon batuk sa iya.
