MANILA – Dapat nga magpabilin sa ila tagsa ka balay ang mga residente sang Luzon kasunod sang deklarasyon tuhoy sa enhanced community quarantine bangud sa nagataas nga kaso sang Coronavirus Disease 2019 (COVID-19).
Sa iya mensahe sa Malacañang, ginpahayag ni Presidente Rodrigo Duterte nga limitado dapat ang hulag sang mga taga-Luzon.
Mahimo lang nga makaguwa sa balay ukon sa ginatiniran kun may baklon kag kun may importante nga transaksyon.
Liwat man nga ginpahanumdom ni Presidente Duterte nga ang tagsa-tagsa ang may katungdanan sa pagbulig agud nga matapna ang paglapta sang virus.
Bangud nga ginpaidalom na sa enhanced community quarantine ang Luzon, gina-engganyo gid ang pagpatuman sang work from home arrangement.
