NEGROS OCCIDENTAL – Nagalalain ang pila ka mga mangunguma matapos naglupok ang Bulkan Kanlaon sa Negros Occidental.
Sa interview sang Bombo Radyo kay Ariel Ramos, iya ginpahayag nga kadungan sang paglupok sang bulkan, nagbuga man ini sang asupre nga nagtuga sang pagkalaya sang ila mga tanom.
Suno kay Ramos, nagkalalaya gid ang iya mga tanom nga balatong, mais, sayote, alugbate, saging kag iban pa nga mga utan.
Ginpahayag sini nga manug-harvest na kuntani siya sang iya mga tanom, apang bangud sa paglupok sang bulkan, naubos luo ang iya mga tanom.
Nagadangat pa suno sa natungdan sa ginatos ka libo ang pyerde sang iban nga mga mangunguma.
