ILOILO CITY – May mga tawo nga malapit sa Malacañang kag sa Presidential daughter nga si Davao City Mayor Sara Duterte nga yara sa likod sang pagpahalin kay anay House Speaker Pantaleon Alvarez agud buslan kay anay presidente kag karon Pampanga Rep. Gloria Arroyo.
Sa interview sang Bombo Radyo, ginpahayag ni Iloilo City Rep. Jerry Treñas nga santu sa mga kaupdanan niya nga mamalidha nga iya naistorya, may mga tawo nga malapit sa Malacañang nga sa likod sang amo nga tikang.
May nagtawag man sa iya suno sa mamalidha nga malapit kay Mayor Sara.
Nahibaluan nga nagboto man pabor si Rep. Treñas kay Arroyo para mangin bag-o nga House Speaker.
Suno sa mamalidha, Dominggo sang gab-i lang niya nahibaluan ang plano nga pahalinon si Alvarez sang mag-abot siya gikan sa bakasyon sa Taiwan.
Madamo siya sang nabaton nga tawag kag text messages suno kay Treñas angot sa pagbag-o sang liderato sa Kamara.