Kulang sa disiplina ang mga tawo nga yara naga-istar sa kilid sang Batiano River rason nga napuno ini sang mga basura.
Sa interview sang Bombo Radyo kayBarangay Kagawad Nolan Abangan sang Sto. Nino Sur, Arevalo, Iloilo City, iya ginpahayag nga sadto ginalimpyoha kag gina-monitor gid ini sang mga nagliligad nga administrasyon.
Apang mahimo nga subong, mas ginhatagan sang igtalupangod ang COVID-19 rason nga wala natutukan ang kalimpyo sang suba.
Suno kay Abangan, nagapakig-angot man sa ila ang Iloilo City Environment and Natural Resources (CENRO) apang bisan ano ka edukar sa mga tawo, may yara gid ya sang nagahaboy sang basura.
Una na nga ginpahayag ni Engr. Noel Hechanova, Head sang CENRO nga may yara sang tatlo ka mga garbage boom ang Batiano river nga amo ang nagasalo sa mga basura.
