Gina-kwestyon sang Association of Taxi Operators of Panay (ATOP) kag United Taxi Operators of Panay (UTOP) ang pag-operate sang mga Blue Taxi sa siyudad sang Iloilo.
Sa interview sang Bombo Radyo kay Rodrigo Baculado, operation supervisor sang ATOP, iya ginpahayag nga nagalain gid ang ila buot bangud wala pa sang clearance nga nagapahanugot para sa Blue taxi agud mag operate, kag wala sang ebidensiya nga may nagapakita nga may ginproseso ang mga ini nga mga papeles.
Dugang pa sini nga ang mga Blue Taxi ang bag-o pa lamang sa siyudad, apang daw kaangay nga sila pa ang mayor, gani nagapangayo ang mga ini sang patas nga pagtratar sa pareho nila nga mga Taxi Operators.
Sa separado naman nga interview sang Bombo Radyo kay Marie Joy Celis, C-GOP Taxi Inc., iya ginapanawagan sa mga otoridad ang pagpatuman sang patas nga layi sa tanan nga mga taxi company ilabi na sa kumpanya sang Blue Tax, kun sa diin apektado ang mga ini sang regulasyon sang LTFRB, apang ila nabatyagan ang indi patas nga pagtratar sa ila.
Ginklaro man niya nga wala nila ginabalagan ang pagsulod sang blue taxi, apang kun tani magsunod lang sa insakto nga proseso kag layi bangud nga sila man mismo ang nag-agi sa legal nga proseso.
 kag United Taxi Operators of Panay (UTOP) ang pag-operate sang mga Blue Taxi sa siyudad sang Iloilo.){kind=link}