ILOILO CITY–Ginkalipay sang mga transient vendor sa Iloilo Terminal Market ang pagpahalin sa pwesto kay Erick San Agustin bilang market-in-charge sang nasambit nga merkado.
Sa interview sang Bombo Radyo kay Christina Castor, isa ka bolante, iya ginpahayag nga madamu sang mga transient vendor ang nagpalab-ot sang reklamo kay Mayor Jose Espinosa III tuhoy sa pagka bias ni San Agustin.
Sa pagpaathag ni Castor, may mga bolante nga ginpahalin si San Agustin samtang may yara man sang mga vendor nga wala ginpahalin sa pagbaligya.
Ginpahayag dugang ni Castor nga ang mga transient vendor nga ginpahalin ni San Agustin ang nagabayad man sang arkabala kag iban pa nga balaydanan sa merkado.
Gani, amu na lang ang ila kalipay bangud nga ginpahalin na bilang market-in-charge sang Super si San Agustin.