ILOILO CITY–80% na nga handa ang mga competing kag non-competing tribe para sa Kasadyahan sa Dinagyang Festival 2019.
Sa interview sang Bombo Radyo kay Dr. Eden Dariada, chairman sang Kasadyahan Festival, ang nasambit nga cultural dance parade ang patigayunon sa Enero 26 sa diin may siyam ka competing tribes samtang may duha ka non-competing tribes.
Sa subong suno kay Dariada, naka-draw lots na ang tagsa ka tribu tuhoy sa pagpasunod sang ila performance sa tagsa ka judging area.
Sa masunod nga semana suno kay Dariada, mahimo na nga matumod kun diin ang mga biletting areas sang tagsa ka tribu.
Lakip sa mga participating tribe amo ang defending champion nga Hubon Mangunguma sang Manggahan Festival sang Guimaras, Manughabol sang Salakayan Festival sang Miag-ao, Iloilo, Sugilanon Festival sang Roxas City, Capiz, Tultugan Festival sang Maasin, Iloilo, Kaing Festival sang Leon, Iloilo, Pintaflores Festival sang San Carlos City, Negros Occidental, Hambaro Festival sang San Remigio, Antique, Hugyaw Festival sang St. Therese MTC Colleges kag may isa pa gid ka tribu halin sa Binirayan Festival sang Antqiue samtang non-competing tribes kag naman ang Panganinaw Festival sang Iloilo Science and Technology University (ISATU) kag MassKara Festival sang Bacolod City, Negros Occidental.