ILOILO CITY – Apektado ang pila ka mga trisikad drivers sa ginapatuman nga traffic experimentation sa Barangay Tabuc Suba, Jaro, Iloilo City.
Nahibaluan nga sa amo nga experimentation, ginbutangan sang railings ang tunga sang kalsada sa atubang sang barangay hall sang Tabuc Suba.
Bangud sini, ang mga salakyan nagikan sa kilid sang barangay hall kag halin sa sulod sang Barangay Cubay.
Isa sa mga apektado amo si Tony Jucaban, isa ka senior citizen nga nagabyahe sang trisikad.
Sa interview sang Bombo Radyo kay Jucaban, iya ginpahayag nga indi na sila mahimo nga maka-cross sa dalan sa tion nga may yara sila sang inugdul-ong nga pasahero sa pihak nga dalan.
Apang, base sa Department of the Interior and Local Government Circular 2020-036, ang mga tricycles, pedicabs kag motorized pedicabs ang wala ginapahanugutan nga mag-agi sa mga national highways bangud sa safety reasons.
