Nakahanda ang mga truck sang Iloilo Provincial Government kag ang Provincial Civil Defense sa tion nga kinahanglan ang mga kabanwahanan subong nga malain ang tyempo.
Sa interview sang Bombo Radyo kay Atty. Dennis Ventilacion, Iloilo Provincial Administrator, iya ginpahayag nga tagsa ka cluster ang preparado na sang ila equipment.
Suno kay Ventilacion, preparado naman ang social welfare goods para mga posible magakinahanglan, kon sa diin may yara na sang order agreement ang talatapan agud nga madasig nga mapalab-ot sa mga evacuation centers.
Gin-athag man sini nga ‘closely monitoring’ sila sa palibot sang probinsya agud nga gilayon nga makaresponde sa possible halit nga dala ni Bagyo Kristine.
Ginpahayag man sini nga nagkoordinar naman sila sa Department of Education (DEPED) nga automatic i-suspend ang klase kon napaidalom sa Tropical Wind Storm Signal ang isa ka lugar.
