Opisyal na nga nagtapos ang Dinagyang Festival 2026, apisar nga masadya para sa iban, nagbilin naman ini sang nanari-sari nga komento halin sa mga tumandok kag mga turista.
Sa interview sang Bombo Radyo sa bahin sang mga tumandok nga nagtambong madamo ang nagpahayag sang ila pagkadismaya sa kapistahan.
Suno sa ila, indi manami ang selebrasyon bangud sa kakulangan sang ila gina-ekspektar kaangay na lamang sang ila ginakalangkagan kuntani nga mga banderitas kag ginlimitahan man ang paggamit sang sound system sa pila ka mga lugar.
Nadismaya man ang iban nga nagkadto bangud sa patakaran nga no ticket, no entry” policy sa kada judging area nga nagtuga sang negatibo nga epekto sa iban nga mga matan-aw kuntani.
Ginpahayag man sang iban nga indi tuman ka gutok ang mga tawo nga nagtambong sa kapistahan kumpara sang mga nagligad nga tuig bangud sa pagbag-o nga ginpatuman sang mga opisyal.
Ini, suno sa ila, bangud ginlain man ang mga judging areas nga ginpatigayunan sang mga aktibidad kag nakabaton ang mga ini sang indi manami nga patakaran sa subong nga kapistahan.
Apang sa pihak nga bahin, ginadayaw naman sang mga turista halin sa nagkalain-lain nga pungsod ang Dinagyang Festival 2026.
Ila gintagaan sang positibo nga mga komento ang Kapistahan nga suno sa iban kun may tsansa pa liwat sa masunod nga tuig magabalik pa sila liwat.
Suno sa iban nga turista excellent, fun kag na-meet ang ila nga ekspektasyon bangud sa ang ila nga na-eksperyensyahan sa dinagyang festival 2026.
