Posible nga sa masunod nga mga semana, indi na kinahanglan magprensenta sang negative swab test result ang mga turista nga magasulod sa Isla sang Boracay kun fully vaccinated na ang mga ini batok sa COVID-19.
Suno kay Tourism Secretary Berna Romulo-Puyat, ini ang nadesisyunan mismo ni Aklan Governor Florencio Miraflores.
“According to him, in a month’s time or maybe in three weeks’ time, he will already be accepting fully vaccinated in lieu of negative RT-PCR,” pahayag ni Puyat.
Ginpahayag niya nga posible sini bulan sang Disyembre, pahanugutan na nga makasulod sa Boracay ang tanan nga fully vaccinated nga mga turista bisan wala sang negative COVID-19 test result.
Dugang pa ni Puyat, ginahulat nalang ni Governor Miraflores nga malab-ot sang Boracay ang 100% nga vaccination rate sang tourism workers kag mga residente sang Isla.
