ILOILO CITY – Nangin matalunsay ang una nga adlaw sang road clearing operation ukon oplan hawan karsada sa syudad sang Iloilo kahapon.
Sa interview sang Bombo Radyo kay Mr. Love Joy Josenilla, pinuno sang Anti-Squatting and Illegal Structures Unit, iya ginpahayag nga matawhay sa subong ang road clearing kag indi na tanto kabudlay bangud timprano pa nga napahibalo ang mga barangay tuhoy diri.
Suno kay Josenilla, isa sa mga obstruction nga na-obserbahan ang madamo nga pag-illegal parking nga ila nakit-an sa kada barangay.
Pahayag sang natungdan, kalabanan sa ila nga nakumpiska amo ang mga tanom sa dalanon kag ginpangsaway ang mga nagabaligya sang isda, inasalan kag iban pa nga pagkaon.
