𝗜𝗟𝗢𝗜𝗟𝗢 𝗖𝗜𝗧𝗬 – Natak-an na sang hulat ang mga vendors sa atrasado nga pag-develop sa mga public markets sa Iloilo City.
Sa interview sang Bombo Radyo kay Ramel Aton, manugbaligya sang bugas sa Iloilo Terminal Market, iya ginpahayag nga humalin sang ginkaayo ang merkado, nagnubo na ang ila income.
Suno kay Aton, nabudlayan ang ila mga customers sa pagpangita sa ila pwesto bangud nagalapta lang sila sa baylo nga i-tingob ang kada section sang merkado.
Ginpahayag sini nga may mga customers man nga nagareklamo bangud nagabaha sa ila pwesto sa tion nga magbubo ang ulan.
Kuntani suno sa natungdan, tapuson na gilayon ang pagkaayo ang merkado agud mangin matawhay na ang ila pagbaligya kag indi na sila mabasa sang ulan.
Ini ang baliskad sa promisa ni Iloilo City Mayor Jerry Treñas nga matapos na ang mga merkado subong ng Disyembre 2024.
– 𝗪𝗶𝘁𝗵 𝗮 𝗿𝗲𝗽𝗼𝗿𝘁 𝗳𝗿𝗼𝗺 𝗕𝗼𝗺𝗯𝗼 𝗝𝗼𝗺𝗮𝗿 𝗩𝗶𝗹𝗹𝗮
