ILOILO CITY – Wala pa nagpatuman ang mga rice retailers sa Iloilo City sang P49 kada kilogram nga maximum suggested retail price (MSRP) sa mga imported nga bugas.
Ini ang una nga tion nga mapanubuan sa P50 ang MSRP sang imported rice santo man sa mando sang Department of Agriculture.
Sa interview sang Bombo Radyo kay alyas Bing-Bing, manugbaligya sang bugas sa La Paz Public Market, iya ginpahayag nga indio pa sila mahimo makapatuman sang P49 nga presyo sa kada kilo sang bugas bangud mapyerde sila.
Suno sa natungdan, mahal man ang presyo sang ila ginabaklan sang supply sang bugas.
Ang mahimo lang nila suno sa natungdan amo nga maghatag sang P20 nga discount sa 25 kilograms nga sako sang bugas.
Sa subong, nagadangat sa P60 ang kilogram sang imported nga bugas, P58 ang premium kag P55 naman ang pinakabarato.
Ginpaathag sang natungdan nga kun magpabarato sila sang bugas, wala sila sang inugbayad sa renta, plastic kag arkabala.
-𝗪𝗶𝘁𝗵 𝗮 𝗿𝗲𝗽𝗼𝗿𝘁 𝗳𝗿𝗼𝗺 𝗕𝗼𝗺𝗯𝗼 𝗣𝗵𝗮𝘂𝗹𝗶𝗻𝗲 𝗣𝗶𝗹𝗹𝗼𝗿𝗮
