ILOILO CITY – Nagapabor ang manugbaligya sa Iloilo Central Market nga ipaidalom ang mga merkado sa syudad sa Public Private Partnership.
Sa interview sang Bombo Radyo kay Lea, iya ginpahayag nga mas maayo nga kaayuhon ang merkado ilabi na ang mga pasilidad agud nga magganyat man ang mga manugbakal.
Suno sa iya, mabudlay ang ila sitwasyon sa sulod sang merkado ilabi pa kun naga ulan.
Pahayag pa ni Lea, manami man ang plataporma nga ginpakigbahin sang Public Private Partnership team sa mga vendors sang Iloilo Central Market.
Dugang pa sang manugbaligya, kun malimpyo ang palibot, madugangan pa ang manugbakal sa merkado.
