Yara na sa 34.8% ang naggamit nga pondo sang syudad sang Iloilo para sa mga benepisyaryo sang Assistance to Individuals in Crisis Situation (AICS) sang Department of Social Welfare and Development (DSWD).
Sa interview sang Bombo Radyo kay Therese Fely Legaste, information officer sang Disaster Division sang DSWD Region 6, iya ginpahayag nga P461,744,000 ang total nga pondo nga gintransfer sa syudad apang P157,367,000 pa lang ang natigayon nga mahatag sa mga benepisyaryo.
Suno kay Legaste, ang nabilin nga P304,377,000, ang inug-hatag pa sa 304,377 nga mga benepisyaryo sang cash aid.
Pahayag niya, indi luyag sang syudad nga i-risgo ang safety kag health sang tawo rason nga naghingyo ang Iloilo City Government sang extension sang ayuda.
Kun may mga palamangkutanon ukon reklamo ang mga pumuluyo sang syudad dugang sang natungdan, mahimo sila makig-angot sa grievance committee sang City Social Welfare and Development Office (CSWDO) nga nahamtang sa kada distrito sang syudad.
