ILOILO CITY – Ginpaidalom sa test ang tanan nga mga water refilling stations sa Iloilo City.
Ini ang kasunod sang pagtaas sang kaso sang acute gastroenteritis sa syudad sa diin isa sa mga rason amo ang pag-inom sang indi matinlo nga tubig.
Sa interview sang Bombo Radyo kay Iloilo City Mayor Jerry Treñas, iya ginpahayag nga pinaagi sa pagpaidalom sa water testing, matumod kun ano ang mga water refilling stations nga may indi ‘safe’ nga tubig.
As of press time suno sa alkalde, anom na ka mga water refilling stations ang wala nakapasar sa Water Quality Test.
Ang nasambit nga mga water refilling stations ang gilayon nga ginpasirado.
Sa subong, ginahulat pa ang resulta sa test sang iban nga water refilling stations.
