Magapatigayon ang Miss Grand International (MGI) sang bag-o nga “All Star” edition nga maga-welcome sang mga beauty queens halin sa nagakalain-lain nga international pageants.
Ginpaguwa sang MGI ang teaser para sa pinakauna nga “MGI All Stars,” nga naga-invite sa mga anay kandidata ukon former queens nga luyag liwat magbalik sa spotlight.
Wala pa sang gindetalye sang pageant organizers ang eksakto nga mechanics, criteria, ukon schedule sang kompetisyon.
Apang sa social media, nagasugod na pagpang-mention ang madamo nga Filipino beauty pageant fans sang mga ngalan nga luyag nila nga mangin kabahin sang espesyal nga edition.
Lakip sa mga ginaennganyo sang Pinoy fans amo ang anay MGI representatives nga sanday Samantha Bernardo, Roberta Tamondong, kag Nikki de Moura, kag Miss Universe 2018 Catriona Gray.
Sa subong, indi pa maathag kun buslan sang magadaog sa “MGI All Stars” ang reigning queen nga si Emma Tiglao sang Pilipinas ukon mangin separado ini sa orihinal nga pageant.
Nagahulat subong ang fans sa dugang nga anunsyo gikan sa Miss Grand International.
