Nagbubo ang kasubo kag pag-unong kasunod sang pagtaliwan ni Miag-ao Iloilo Vice Mayor Leonardo Naldoza.
Sa interview sang Bombo Radyo kay Miag-ao, Iloilo Mayor Dr. Macario Napulan, iya ginpahayag nga nagtaliwan si Naldoza subong nga hapon bangud sa komplikasyon.
Suno kay Napulan, ginkakibot man niya ang pagtaliwan sang iya bise-alkalde nga isa ka mapisan nga public servant.
Sa subong ginahulat pa ang kumpirmasyon sang pamilya sang bise alklade natuhoy sa gintunaan sang kamatayon sini.
Nahibaluan nga ini na kuntani ang ikatatlo nga termino ni Naldoza bilang bise-alkalde sang Miag-ao, Iloilo.
