Gin-donate sang beauty queen nga si Michelle Marquez Dee sa Autism Society Philippines ang tanan nga prize money nga iya nadag-an sa Voice for Change sa Miss Universe 2023.
Ginkumpirma sang Miss Universe Philippines (MUPH) Organization nga mismo si Michelle ang nagkadto sa Antipolo City kaupod ang president sang organisasyon nga si Jonas Gaffud agud ihatag ang P684,000.
“Miss Universe Philippines 2023 Michelle Marquez Dee gifted her prize for winning the Voice of Change Challenge to the Autism Society of the Philippines. Michelle, together with Jonas Gaffud, Miss Universe Philippines President, trooped to Altaroca Mountain Resort in Antipolo City to personally hand over a check for P684,000. MMD, as many know, has been a lifelong champion of people on the autism spectrum,” pahayag sang organisasyon.
Ang Voice for Change nangin kabahin sang Miss Universe competition kun sa diin hatagan ang mga kandidata sang kahigayunan nga suportahan ang ila advocacy.
Ginpili naman ni MMD ang Autism Society Philippines, bangud magluwas nga kilala siya nga “lifelong champion” sang mga tawo sa autism spectrum, duha sa iya mga utod nga sanday Mazen kag Adam ang pareho nga na-diagnose nga may amo nga kondisyon.
Matandaan nga Septyembre 16 sang ginsapubliko ni MMD nga wala pa niya nabaton ang premyo halin sa Voice For Change kag ginsiling sini nga amo ini ang “most personal” award sa iya journey sa pageant bangud sa iya adbokasiya. Nag-depensa gilayon ang MUPh kag ginsiling nga may delay bangud sa communication process sa local franchise kag indi sa Miss Universe Organization. Pagka-aga, gin-anunsyo na sang beauty queen nga na-release na ang iya prize money.
“Michelle shows everyone that even after her stint as Miss Universe Philippines, she remains a staunch ally of her advocacy and a QUEEN in every sense of the word. Thank you, Michelle,” dugang sang MUPh.
Matandaan nga magluwas nga sulod sa Top 10 sa coronation night sang Miss Universe 2023 sa El Salvador, nakuha ni Michelle ang madamo nga special awards nga amo ang isa sa tatlo ka gold winners sang Voice for Change competition, Spirit of Carnival Award nga hatag sang pageant sponsor nga Carnival Cruises, Miss Universe’ fan vote, kag Best National Costume title nga tribute naman niya sa iya papel bilang Air Force Reservist.
