Mainit nga gin-abi-abi sang mga mamalidha ang pag-abot ni Miss Universe Philippines 2023 Michelle Marquez Dee sa Kamara, Disyembre 4.
Nag-courtesy call man ang beauty queen kay Speaker Martin Romualdez.
Kaupod ni Dee si Rep. Sam Verzosa sang Tutok To Win nga amo ang nagduso sang House Resolution 1493 nga nagpasidungog sa actress-beauty queen bangud sa iya mataas nga achievement.
Top 10 finalist si Dee sa Miss Universe 2023 pageant sa El Salvador, nakuha man ang Best in National Costume kag ‘Spirit of Carnival’ awards, kag nagpanguna sa ‘Voices for Change’ category kaupod sa mga tiglawas sang Puerto Rico kag Angola.
Sa isa ka indi kinaandan nga hitabo sa Philippine pageantry, hatagan man ini sang Miss Universe Philippines organization sang homecoming parade sa Disyembre 10 sa Mall of Asia Complex apisar nga wala sini nakuha ang korona sa pageant sang nagligad nga bulan. #
