𝗠𝗔𝗡𝗜𝗟𝗔 — Nagpasalig ang Microsoft nga gina-imbestigaran na nila ang isa ka isyu matapos ang pila ka mga kompaniya, lakip na ang mga kumpanya nga nakabase sa Pilipinas, ang nagreport nga ang ila mga operasyon apektado sang problema sa serbisyo sang Microsoft subong nga Biyernes.
Nagpaguwa man sang pahayag ang Cebu Pacific nga nagapahanumdom sa mga pasahero sini nga naga-eksperyensya ang kompanya sa karon sang mga isyu sa teknikal, nga ginareport nga may kaangtanan sa technology provider nga CrowdStrike, nga nagtuga sang pag-untat sang sistema sang Microsoft sa bug-os nga kalibutan.
Suno sa kompanya, ginatinguhaan nila nga mapahaganhagan ang mga pagkatublag sa ila mga operasyon kag magahatag sang regular nga mga update samtang nagapadayon ang sitwasyon.
Ang AirAsia nagsiling nga ang ila mga serbisyo naapektuhan man sang isyu sang Microsoft.
Ginpanugyan man sang airline ang mga pasahero nga magbisita sa ila social media platforms kag sa airasia newsroom sa ila website para sa mga updates.
Ginpahayag nga apektado man ang iban pa nga mga negosyo sa Pilipinas.
Nahibaluan nga outage reporting website downdetector.com nagpakita man sang pagdamo sang mga user nga nagareport sang mga outage sa cloud computing platform sang Microsoft nga Azure, kag ang iya office productivity suite 365.
