Gin-umpisahan na nga ipanghatag ang mid-year bonus sang mga empleyado sang gobyerno nga katumbas sang ila isa ka bulan nga basic pay subong nga adlaw.
Sa isa ka statement, ginpahayag ni Department of Budget and Management (DBM) nga kwalipikado nga makabaton sang bonus ang mga sibilyan kag military personnel sa kondisyon nga ang mga ini ang nagtrabaho sa kabilugan nga apat ka bulan humalin sang Hulyo 1, 2024 tubtob Mayo 15 subong nga tuig.
Dapat man nga nakabaton ang mga ini sang satisfactory performance rating kag dapat nga yara sa serbisyo sa gobyerno as of May 15.
Nagalab-ot naman ang napain nga pondo para sa midyear bonus sang mga empleyado sang gobyerno sa P63.695 billion kun sa diin P47.587 billion diri ang para sa civilian personnel samtang ang nabilin nga P16.108 billion ang para sa military kag uniformed personnel.
Kaangot sini, gin-ganyat ni Budget Secretary Amenah Pangandaman ang mga head sang mga ahensya sang gobyerno nga ipanagtag gilayon ang midyear bonus sang mga empleyado.
