ILOILO CITY – Gina-finalize pa sang Bangsamoro Transition Commission (BTC) ang listahan sang mga irekomenda kay Presidente Rodrigo Duterte nga mangin miyembro sang parliamento sa tukuron nga Bangsamoro Autonomous Region.
Sa interview sang Bombo Radyo, ginpahayag ni BTC chairman Ghazali Jaafar nga amo man ang vice chairman sang Moro Islamic Liberation Front (MILF) nga indi magnubo sa 41 ka mga personalidad ang ila i-recommend sa presidente para mangin miyembro sang Bangsamoro parliament.
Sa MILF magahalin suno kay Jaafar ang majority sa mga miyembro sang Bangsamoro parliament.
Magakuha man sila sa Moro National Liberation Front (MNLF), nga ila i-recommend para mangin kabahin sang parliamento.
Nagpamalibad naman si Jaafar nga kumpirmahon kun kalakip siya sa mga iga-rekomenda nga mangin miyembro sang Bangsamoro parliament.
Nakadepende na ini suno kay Jaafar sa liderato sang MILF.