ILOILO CITY – Indi kuntento ang Moro Islamic Liberation Front (MILF) sa pila ka provision sang napasar nga bersyon sang Bangsamoro Basic Law (BBL) sa Kamara kag Senado.
Sa interview sang Bombo Radyo Iloilo, ginpahayag ni MILF vice chairman Ghadzali Jaafar nga apisar ila ginakalipay nga dali na lang malab-ot ang ginahandum nga kalinong, indi sila satisfied sa pila ka provision sang hagna.
Apang nagpamalibad si Jaafar nga tumuron kun ano nga bahin sang BBL ang ila ginapamatukan bangud nagapadayon pa ang proseso kag nagalaum nga maamyendaran ini kun matalakay na sa bicameral conferebnce ang hagna.
Apela sang grupo sa mga stakeholders nga magpasar sang BBL nga mabaton sang tanan bangud tubtob subong may ara pa sa ila grupo nga indi kumbinsido nga seryoso ang gobyerno nga mahatagan sang otonomiya ang Mindanao.
Ginpasiguro man ni Jaafar nga mauntat ang pagpanghalit sang mga armed groups sa Mindanao kun aprubado sa tanan ang pinal nga bersyon sang Bangsamoro Basic Law.