ILOILO CITY- Hugot nga nanindugan ang Philippine Army nga indi sibilyan kundi isa ka combatant sang rebelde nga grupo ang napatay sa engkwentro sa tunga militar kag New People’s Army (NPA) sa Barangay Dalagsa-an, Libacao, Aklan sang Abril 1, 2022.
Sa interview sang Bombo Radyo kay Capt Kim Apitong, spokesperson sang 3rd Infantry Division sang Philippine Army, iya ginpahayag nga propaganda lamang sang NPA nga pagwaon nga sibilyan ang napatay sang militar.
Matandaan nga sa amo nga engkwentro, napatay ang babaye nga myembro sang Sentro de Grabidad (SDG) Igabon Platoon, Central Front sang Komiteng Rehiyon-Panay (KR-P).
Narekober man sang otoridad ang isa ka homemade shotgun nga may ammunition, empty shells sang 5.56 mm kag homemade shotgun, backpack nga nagaunod sang personal nga kagamitan kag subversive documents.
