ILOILO CITY – Gin-igo sang Russian missile ang military factory sang Ukraine sa gwa sang Kyiv.
Ang nasambit nga military factory nga ginbombahan ang gina-ubrahan sang missiles sang pungsod Ukraine.
Isa naman ka workshop kag administrative building sa Vizar plant sa residential area sang Vyshneve nga malapit sa international Zhuliany airport ang na-damage.
Ginabanta nga naglab-ot sa 50 ka mga salakyan ang nagkalaguba.
Una na nga ginpahayag sang Russia nga isa ka Kalibr sea-based long-range missiles ang gingamit sa pagpang-atake.
Ang strike ang natabo isa ka adlaw matapos gin-anunsiyo sang Ukraine nga ginguba nila ang Moskva warship sang Russia nga ginbali naman sang Moscow kag gin-claim nga naglugdang ini.
Suno sa website sang state weapon manufacturer sang Ukraine, ang Vizar factory ang gina-ubrahan sang Neptune missiles.
Ginpahayag sang gobernador sang southern Odessa region sang Ukraine nga si Maxim Marchenko, naggamit ang Ukraine sang Neptune missiles sa pag-strike sa Moskva.
Ini ang wala naman ginkumpirma sang Moscow kag ginpahayag nga nalunod ini matapos nga nagtuyo ini nga mag-angut ini sa pinakamalapit nga port apang may nagtuhaw nga kalayo sa sulod sang 186 metros nga barko.
