Ginsulit ni Sen. Robinhood “Robin” Padilla nga kinahanglanon gid ang military training agud nga mapreparar ang mga pumuluyo pananglitan may kalamidad kaangay sang linog.
Ginmensyonar ini ni Padilla kadungan sa pagsugod sang Basic Citizen Military Course sa Senado kag matapos nga nalakip ang Pilipinas sa mga lugar nga nakabatyag man sang epekto sang 7.5 magnitude nga linog nga nagtay-og sa Taiwan kahapon sang aga.
Suno sa senador, indi lang para sa giyera ang basic military training kundi para sa disaster response ukon emerhensya.
“Iba pa rin kung tayo mismo, trained, alam natin kung anong gagawin natin pag may emergency. Hindi lang ito usapin ng giyera… Itong ginagawa nating ito para sa kapayapaan at kaligtasan ng kapwa natin,” pahayag sini.
Miyerkules sang aga sang nagpaguwa ang Philippine Institute of Volcanology and Seismology (Phivolcs) sang tsunami warning sa apat ka areas sa northern Luzon kasunod sang mabaskog nga linog sa kaiping nga lugar nga Taiwan.
“Ang kailangan natin matutunan ang ituturo sa atin paano ang may leader (at) may follower. Dito sa Pilipinas… kaunti ang follower, gusto lahat leader. Dito sa training natin malalaman natin sino ang leader natin, sino ang susundin natin, ano ang protocol natin para sa pagdating ng emergency. Alam natin ang chain of command. Hindi tayo nalilito, hindi tayo natataranta. Lahat tayo may say, lahat may papel, lahat kumikilos,” dugang sang senador sang ginpasalamatan na sini ang Philippine Navy Naval Reserve Command sa pag-conduct sang training.#
