Ginplastar ni anay Ako Bicol representative Zaldy Co ang ginapahayag nga litrati sang minaleta nga kwarta nga suno sa iya personal sini nga ginadeliver, kaupod ang iya mga tinawo sa kanday Pres. Bongbong Marcos kag anay House Speaker Martin Romualdez.
Suno kay Co, ang mga amo nga deliveries ang ginapatigayon halin sa Forbes park tubtob sa Malacañang.
Ginpakita man niya ang mga laragway sa ikaduha nga bahin sang iya video message sa diin ginmando ni Marcos nga nagaunod sang P100 billion nga insertions sa 2025 national budget.
Ginsiling pa sini, nga matuod ang una nga rebelasyon sang retirado nga Marines nga si Orly Guteza.
Sa nauna nga bahin sang video message, ginbuyagyag ni Co ang ginapahayag nga anomaliya sa flood control kag iban pa nga mga infrastructure projects nga ginasiling may kahilabtanan sa dalagkuan nga budget insertions.
Ang alegasyon ang nasentro sa ginaalegar nga P100 billion nga dugang pondo sa national budget para sa 2025 nga ginaangot sa magpakaisa nga Marcos kag Romualdez.
Apang, ang mga pahayag ni Co ang nagbukas sang mas malapad nga diskusyon tuhoy sa transparency kag accountability sa gobyerno, ilabi na sa proseso sang budget allocation.
Si Co ang anay man nga naulamid sa mga kontrobersiya angot sa infrastructure projects kag sa ginapahayag nga anomaliya sa paggamit sang pondo, rason agud man ilabi pa mahatagan sang mabug-t ang iya mga bag-o nga rebelasyon.
Ang mga ginapagguwa nga laragway sang minaleta nga kwarta ang nagtuga sang mabaskog interes kag kahangawa sa publiko nga subong ang nagahulat sa sabat halin sa Malacañang kag sa kampo ni Romualdez.
