ILOILO CITY – Magapatigayon sang pilot implementation ang Department of Education (DepEd)- Region VI sang Minecraft Education Edition, isa ka “game-based teaching” subong nga tama pa ka limitado sang face-to-face classes.
Sa interview sang Bombo Radyo kay Mr. Hernani Escullar Jr., spokesperson sang DepED- VI, iya ginpahayag nga ang launching ang pasakupan sang 10 ka grade 2 learners, isa ka manunudlo sang Araling Panlipunan kag isa ka manunudlo sa ICT sa San Dionisio Elementary School sa Marso 25.
Suno kay Escullar, ang ini nga programa ang may katuyuan nga mapasangkad pa ang pagtuon pinaagi sa teknolohiya.
Dugang pa ni Escullar, ang mobile application ang may yara sang virtual field trips sa walo ka mga historical sites sa pungsod.
Diri sa Western Visayas, ang mga estudyante ang magapasakop sa vitual field trip sa Bulacan.
Padayon pa ang pagpagkig-angot sang DepEd Region VI sa eskwelahan nahanungod sa cellphone nga gamiton sang mga kabataan.
