San Migue, Iloilo – Nagtakilid ang isa ka minibus matapos nga nadulaan sang preno kag nakabungggo sa dump truck sa Barangay 1, San Miguel, Iloilo .
Ang driver sang minibus amo si Gerald Tumale, 41, kag residente sang Barangay Panginman, Leon, Iloilo.
Samtang, ang driver naman sang dump truck amo si Vicente Garcia, 34, kag residente sang Isabela, Negros Occidental.
Sa interview sang Bombo Radyo kay Police Senior Master Sergeant Glen Gasapo, imbestigador sang San Miguel Municipal Police Station, iya ginpahayag nga naghalin sa Iloilo City ang minibus kag padulong sa banwa sang San Miguel.
Suno kay Gasapo, nakaagom sang pilas sa nagkalain-lain nga parte sang lawas ang 12 ka sakay sang amo nga salakyan.
Ang mga sakay sang minibus amo sanday Mara Mae Calugas, Nomito Lucero, Ronel Umadhay, Flory Mae Cañas, Rotsen Alias, Eden Jane Janaban, Jan Michael Lustina, Rebbeca Guay, Patricia Lyn Piosca, Josefina Alsaga, kag Elizabeth Jordan.
Sa subong, nagapadayon ang imbestigasyon sang kapulisan sa gintunaan sang aksidente.
