ILOILO CITY- Ginpasiguro sang mga public utility buses nga ginapatuman nila sang istrikto ang minimum health protocols batok sa COVID-19.
Ini kadungan sang pag-umpisa sang pagpangdakop sang Land Transportation Office (LTO) kag Land Transportation Franchising and Regulatory Board (LTFRB) sa mga violators sang memorandum circular sang Department of Transportation (DOTr) angot sa pagdagdag sang multa sa mga driver sang depampasahero nga salakyan nga wala nagatuman sa protocol kaangay sang pagsuksok sang face mask, face shield, kag physical distancing sang mga pasahero.
Sa interview sang Bombo Radyo kay Dennis Celestial, driver sang Ceres bus nga may ruta nga Iloilo- Calinog and vice -versa, iya ginpahayag nga apisar gamay lang ang ila kita bangud limitado lang ang pasahero nga ila mapasakay bangud sa protocol sa physical distancing, ginatinguhaan nila nga masunod gid ini.
Suno kay Celestial, apisar wala sang plastic barrier sa ila pulungkuan, ginamarkahan man nila ini agud nga may yara sang antadanay sa tunga sang mga pasahero.
