ILOILO CITY – Istrikto nga ginapatuman ang minimum health protocol matapos ginpaidalom sa surgical lockdown ang duha ka zona sa Brgy. San Isidro, La Paz, Iloilo City.
Sa interview sang Bombo Radyo kay Punong Barangay Remia Soltis, iya ginpahayag nga sa subong, anum na ang COVID-19 cases sa nasambit nga lugar.
Sa Zone 3 kag 5 suno kay Soltis, may yara sang na record nga tag tatlo ka COVID-19 cases.
Sa pagkamatuod suno kay Soltis, siya mismo ang nagapanguna sa pagpanghatag sang citation ticket sa mga residente nga wala nagasuksok sang face mask.
Ginadumili-an anay suno kay Soltis ang pagpasulod sang mga pangayaw sa ila lugar bilang precautionary measure.
Kadungan sini, ginpahanumdom sang natungdan sa mga pumuluyo sang Brgy. San Isidro, La Paz nga likawan anay ang pagtipon-tipon agud nga malimitahan ang local transmission sang virus.
