Wala sang handa kag wala sang imbitado nga tawo sa kapistahan sang Imakulada Conception subong nga adlaw sa banwa sang Concepcion, Iloilo.
Sa interview sang Bombo Radyo kay Mayor Raul Banias, iya ginpahayag nga ginalikawan subong ang pagtililipon bangud sa COVID-19 pandemic.
May yara lang sang misa nga patigayunon subong nga adlaw sa diin may i-deploy nga mga pulis kag contact tracers sa mga simbahan agud nga masiguro nga masunod ang health protocols.
Sa baylo nga maghanda, nanghatag na kahapon ang local government unit sang Concepcion sang mga food packs para sa mga empleyado, bantay-dagat, pulis, katapo sang Philippine Coast Guard, Bureau of Fire Protection kag mga frontliners.
