Temporaryo nga dumilian ang tanan nga misa kag services sa mga simbahan sa syudad sang Iloilo.
Ini ang magalawig tubtob sa Hunyo 15.
Sa interview sang Bombo Radyo kay Iloilo City Mayor Jerry Treรฑas, iya ginpahayag nga nalakip sa mass gatherings ang pagpatigayon sang mga misa sa syudad rason nga indi ini pagpahanugutan tubtob wala pa nalift ang Modified Enhanced Community Quarantine (MECQ) status sang syudad.
Nagapangabay man ang alkalde sa publiko nga indi anay magwa sa mga balay bangud sa lapnagon nga paglapta sang COVID-19.
Kaangot sini, nagpagwa naman sang pahayag ang Commission on Social Communications sang Archdiocese of Jaro sa diin ginakansela nila ang tanan nga mga public liturgical celebrations sa tanan nga simbahan sa Syudad umpisa bwas tubtub Hunyo 15.
