Gindakop sang mga katapo sang Simultaneous Anti-Criminality and Law Enforcement Operations sang Marikina City Police Station ang isa ka asawa matapos ginpalapta ang mga hublas nga laragway sang iya bana.
Base sa imbestigasyon, nagduda ang 32-anyos nga misis nga may ‘other woman’ ang iya bana gani ginbuksan sini ang cellphone sang lalaki kag nakit-an ang mga bastos nga mga laragway.
Bangud sa kaakig, ginpalapta niya ini sa social media kag ginpadala sa ginikanan kag mga paryente sang iya bana.
Gindakop ang asawa samtang nagatambong sa isa ka okasyon sa isa ka restaurant sa Quezon City.
Ini ang nalakip man sa Top 10 Most Wanted sang Marikina City Police Station.
Nahibaluan nga may duha ka anak ang mag-asawa.
Naghinulsol naman ang babaye sa iya ginhimo sa iya bana.
