UNITED ARAB EMIRATES – Masami sa mga rason sa pagbulaganay sang magkahaguma amo ang pagpanunto ukon wala na sang luyag sa isa kag isa.
Apang sa United Arab Emirated (UAE), pinasahi ang rason sang pagbulaganay sang bag-o lamang makasal nga magkahagugma.
Nag-file sang divorce ang babayi matapos nga ginapabaydan sang iya bana sa iya ang tanan nga mga balaydan lakip na ang kuryente kag tubig amo man ang pagbakal sang groceries.
Ginprangka mismo sang babayi ang iya bana nga isa ka Iranian samtang yara pa sila sa honeymoon nga mabulag na siya sa lalaki.
Gintawag pa sang babayi nga “cheap” ang iya nga bana.
Sa subong, ginaproseso na ang tanan nga dokumento agud nga matigayon ang pagbulaganay sang mag-asawa.
