ILOILO– Napasaka na ang kaso batok sa misis kag sa iya kerido nga naaktuhan yara sa sulod sang Katrina Lodge sa Hechanova St., La Paz, Iloilo City.
Sa interview sang Bombo Radyo kay Police Chief Master Sergeant Jerwin Servano, imbestigador sang La Paz Police Station, iya ginpahayag nga
napasaka na sang mister na si alyas Roldan, 32, ang kaso nga adultery batok sa iya misis nga si Lorena, 32, lunsay residente sang Zone 2 San Juan Molo, Iloilo City kag sa kerido sini nga si Jevy, 32, sang Zone 11, may live in partner kag Calaparan Arevalo, Iloilo City kag isa ka Overseas Filipino Worker.
Suno kay Servano, ang kaso ang ginpasaka sa Iloilo City Prosecutor Office sa diin pirmado mismo sang bana ang affidavit.
Samtang suno naman kay alyas Roldan, ang pagpasaka sini sang kaso sa iya misis ang indi lang para mahatagan ini sang hustisya kundi para man sa iya mga kabataan.
Dugang pa sang natungdan, indi sini paghatagan sang ika-duha nga ang iya misis kun mangayo sang pasaylo.
Gin-athag man ni Roldan nga wala sang kamatuuran ang ginpahayag sang iya misis nga ginpalayas niya ini sa ila nga balay.
