ILOILO CITY- Ginakabig nga dako nga kalaglagan ni US President Donald Trump sa presidential race ang iya mismanagement sa COVID-19 pandemic sa Estados Unidos.
Suno kay Bombo International Correspondent kay Gabriel Ortigoza,registered nurse kag university professor sa California, USA, iya ginpahayag nga tuman ka dehado si Trump batok kay Joe Biden bangud dismayado sa iya ang mga pumuluyo sang Estados Unidos sa iya pag-atubang sa COVID crisis sa diin siya mismo ang wala nagatuman sa protocol.
Ginpahayag ni Ortigoza nga mabudlayan na si Trump nga makalagas kay Biden bangud halos 99% sang mga pumuluyo ang desidido na sa ila botohon nga presidente sa diin santo sa survey, dako ang abanse sang Democrat nga si Biden batok sa Republican nga si Trump.
Dugang pa ni Ortigoza nga sa subong, masobra sa 20M na nga mga Americans ang nakaboto sa diin 40% diri ang ginpili ang mail-in voting sa baylo nga sa polling centers.
