Nagtaliwan na sa edad nga 22-anyos ang ginkoronahan nga Miss Austria 2024 nga si Lusia Sisic.
Ini ang gin-anunsyo sang Miss Austria organization paagi sa isa ka social media post.
Wala ginpasapubliko ang rason sang pagtaliwan ni Lusia, apang suno sa USA Today, ginbun-ag ang Austrian beauty queen nga may ara sang heart valve defect.
Ginpaidalom man ini sa pito ka operasyon sa tagipusuon kun sa diin ang pinakaulihi nga operasyon ang ginpatigayon sang winter.
Sa isa ka Instagram post sadtong 2024, ginpakigbahin ni Lusia ang madugay na sini nga pagpakigbato sa kondisyon sini sa iya nga ikaayong lawas.
Nagapasalamat naman ini sa iya nga cardiology team samtang nagahanda ini sang una nga magsaylo sa idalom sang paghinakop sang adult cardiology.
Nahibaluan nga ginkoronahan si Lusia bilang Miss Austria 2024.
Nagapabilin naman ini nga reigning queen tubtob nga napatay ini bangud wala sang may ginpatigayon nga Miss Austria pageant sang tuig 2025 tubtob subong nga 2026.
